Nûçe

lêgerîn >> têkîlî >>

kunye >>

  Rûpela Serî         Gotar       Lêkolîn       Nûçe       Belge       Servîs       Arşîw       Kunye                                      

Dewleta Tirk gavek pêş de piştre jî du gav paşde davêje

KURDISTAN-NETEW

Weşandin:12 Gulan, 2009

AMED --   Serokomarê Tirk Abdullah Gul heta niha peyva Kurd jî bikarnedianî demek berê li ser pirsgirêka kurd goti bû:”Di mesela kurd de wê tiştên gelekî baş çêbibin.”

Ebdullah Gul, doh jî li ser vegera ji Prag, di balafirê de ligel rojnemevanan sohbet kir û got: “Dixwazî bila pirsa terorê be, dixwazî bila pirsa başûrê rojava be, yan jî jêre bibêjin pirsa kurdî, lê belê ev pirsgirêkeke girîng ya Tirkiyê ye û divê were çareserkirin.”

Gul wiha got: “Hûn çi nav lê bikin ferq nake.

Dixwazin bêjin ‘teror’, dixwazin bêjin pirsgirêka Başûrêrojhilat, dixwazin bêjin pirsgirêka kurd. Ev meseleya sereke ya Tirkiyeyê yê. Teqez divê bê çareserkirin.” Gul anî ziman ku ev pirsgirêk di nava dewletê de ji berê vekirîtir tê axaftin û wiha got: “Divê pêşveçûnên baş çêbin. Her kesî acîliyeta pirsgirêkê ferq kiriye. Di mercên wiha de tiştên baş çêdibin. Divê ev fersend neyê pûçkirin.”

Li aliyekî din de jî gotinên Cemîl Çîçek

Wexta ku Ebdullah gul wan gotinan dikir berdevkê Hikûmeta AKP’ê û Cîgirê Serokwezîr Cemil Çiçek bi awayekî neyarane axivî û dijminatiya xwe ya li dijî kurdan careke din nîşan da. Cemîl Çîçek bi van gotinan beşdarî nîqaşa ji bo rakirina pergala cerdevaniyê bû; ‘Gotina DTP’ê ya ku bila cerdavanî bê rakirin jî bi tenê sedem e ku cerdevanî neyê rakirin.’

Çîçek êrîşî DTP’ê kir û wiha got: “Gotina DTP’iyan a ‘bila cerdevanî bê rakirin’ bi tena serê xwe sedema herî bingehîn e ku cerdevanî ranebe. Dibe ku Pergela cerdevaniyê bê islahkirin. Xebatên Wezareta Hundirîn hene. Divê mirov hemû cerdevanan wekî hev nenirxîne.”

Dewleta Tirk di meseleya Kurd de durû ye

Dewleta Tirk ku di çareser kirina pirsgirêka Kurd de bi avayekî dûrû tevdigere û piştî gavên baş her tim gavên êrîşkirinê ser kurdan davêje.

Serokomarê dewleta Tirk ku demek berê gotibû dê di pirgirêka kurd de tiştên baş çêbibin û piştre operasyonanên ser saziyên Kurdan û operasyonên artêşa Tirk destpêkiribû.

Dewleta Tirk naxwaze Kurd pêşkevin. Her çiqas dewleta Tirk di çareser kirina pirsgirêka kurd de hin agav davêje be jî dewleta Tirk naxwaze kurd pêşkevin û li gor Tirkan divê Kurd neyine tune kirin jî divê bêne kontrol kirin.

Ji ber vê yekê divê hemû rexistinên kurdan di vê mijarê de hişyar bin. Derdikeve holê ku AKP li şûna êrîşî Kurdan bike bi entegre kirin û bi dirêj kirina pêvajoyê dixwaze pirsgirêka Kurd ji holê rake.. (çavkanî: HAWAR NET.com)
 



 

      Biçe Jora Rûpelê                                                                                                        Hemû naveroka beşa Nûçe »

Hemû naveroka beşa Nûçe »

Hûn jî dikarin gotar an jî lêkolînê xwe bişînin