Nûçe

lêgerîn >> têkîlî >>

kunye >>

  Rûpela Serî         Gotar       Lêkolîn       Nûçe       Belge       Servîs       Arşîw       Kunye                                      

Dewleta Tirk riya siyasetê li Kurdan girt

K-NETEW

Weşandin:20 Kanûn (Berfanbar), 2009

AMED (DIYARBEKÎR) --   Dadgeha Makezagonê biryara girtina DTP'ê da. Ligel girtina DTP'ê Hevserokê Giştî yê DTP'ê Ahmet Turk û gelek parlementer jî di nav de, bi qedexekirina siyasetê hatin cezakirin.

Dadgeha Makezagonê derbarê DTP'ê de biryara girtinê da. Bi girtina DTP'ê re, biryara xistina parlementiriya Hevserokê DTP'ê Ahmet Turk û Parlementera DTP'ê ya Amedê Aysel Tugluk da.

Hevserokê DTP'ê Ahmet Turk, piştî biryara Dadgeha Makezagonê ya girtina DTP'ê daxuyaniyek kurd da û diyar kir ku girtina partiyan nabe çareserî û têkoşîna wan a ji bo aştî û demokrasiyê dê bidome.

Hevserokê DTP'ê Ahmet Turk, têkildarî biryara girtina DTP'ê daxuyaniyek kurd da çapemeniyê û diyar kir ku dê têkoşîna wan bidome. Turk, diyar kir ku wan her tim gotiye pêşiya siyasetê negrin û wiha got: "Me berê jî got pêşîlêgirtina siyasetê ne çareseriye. Girtina partiyên siyasî hêviyan kor dikin. Em bawer dikin ku dê rojekê peşiya Tirkiyeyê vebe. Tirkiye bi girtina partiyan pirsgirêkan çareser nake. Bê guman bi diyalog û hevdîtinan pirsgerêk çareser dibe. Em li pey biryara xwe ya ku me berê dabûn in. Çiqas em bêne asetngkirin bila bê asteng kirin, têkoşina me ya aştî û demokrasiyê dê bidome. Dê aştî û demokrasî bi ser bikeve. Em dê pêvajoyê bi heassî bişopînin. Ji niha û virde jî dê tekoşîena me bi dome. Qedexeya min û Tugluk, her wiha qedexeya 37 siyasetmedaran pirsgrêkê çareser nake. Dê têkoşina me bidome. Niha hevalên me daxwaznameyên xwe yên îstîfadê amade dikin, dê daxwaznameyên îstîfayê bidin parlementoyê.

Hevserokê Giştî yê DTP'ê Ahmet Türk, piştî eşkerekirina biryarê girtinê daxuyaniyek kurt da çapemeniyê û got: "Tirkiye wê bi girtina partiyan nikaribe pirsgirêkê çareser bike. Em li pişt biryarên ku me berê girtibûn disekinin. Emê xebatên xwe yên ji bo aşitî û demokrasiyê bidomînin. Dê aşitî û demokrasî hetmen biserkeve.''

Nûçeya biryara girtina DTP'ê, ji aliyê ajansên cîhanê ve jî wek "flaş" hate dayîn. Associated Press, nûçe weha gihand aboneyên xwe: "Dadgeha Makezagona Tirk, biryar da ku partiya kurdperwer ji ber têkiliyên wê yên bi PKK'ê bê girtin.'' Ajansek nûçeyan ya din AFP'yê jî bi vê hevokê bûyer ragihand: ''Serokê Dadgeha Makezagonê yê Tirk, da zanîn ku, partiya kurdperwer hate girtin." DTP, wê sibê seet di 12:00an de li ser biryarê girtinê derkeve pêş çapemeniyê.

Dadgeha Makezagonê bi yekîtiya dangan derbarê DTP'ê de bi îdîaya "bûye navenda rêxistina dijzagonî" biryara girtinê da. Heyata Dadgeha Makezagonê biryara xistina Hevserokê DTP'ê Ahmet Turk û Parlementera DTP'ê Aysel Tugluk da. Bi biryara girtinê re derbarê 37 kesan biryara heta 5 salan qedexeya siyasêda da.

Ji bo 37 kesan qedexeya siyasetê

Heyeta Dadgehê bi hinceta ji ber daxuyaniyên wan ji bo 37 kesan biryara qedexeya siyasetê da. Kesên biryara qedexeya siyasetê li wah hate birîn wiha ye: "Abdulkadîr Firat, Abdullah Îsnaç, Ahmet Ay, Ahmet Ertak, Ahmet Turk, Alî Bozan, Ayhan Ayaz, Aydin Budak, Ayhan Karabulut, Aysel Tugluk, Bedrî Firat, Cemal Kuhak, Denîz Yeşilyurt, Ferhan Turk, Fettah Dadaş, Haci Uzen, Halît Kahraman, Hatîce Adibellî, Huseyin Bektaşoglu, Huseyin Kalkan, Hîlmî Aydogdu, Îzzet Belge, Kemal Aktaş, Leyla Zana, Mehmet Salîm Saglam, Mehmet Veysî Dîlekçî, Metin Tekçe, Murat Avci, Murat Taş, Musa Farisoglullari, Necdet Atalay, Nurettîn Demîrtaş, Orhan Mîroglu, Sedat Yurttaş û Selîm Sadak."

Li Silêmaniyê girtina DTP'ê hate şermezarkirin

Bi beşdariya hêjmareke zêde rewşenbîr, nûnerên partiyên siyasî, nivîskar, rojnamevan, çalakvanên sivîl û parlamenteran li bajarê Silêmaniyê biryara girtina Partiya Civaka Demokratîk(DTP) hate şermezarkirin.

Nerazîbûnên hemberî girtina DTP li başûrê Kurdistanê dewam dikin. Seat 14:00’ê paşnîvroya îro li Baxa Giştî ya Silêmaniyê zêdetir ji 2000 welatiyên kurdistanî li jêr baranê di çarçoveyeke neteweyî de ji bo şermerkirina girtina DTP’ê xwepêşandanekê saz kirin.

Hêjmareke zêde rewşenbîr, nûnerên partiyên siyasî, nivîskar, rojnamevan û çalakvanên sivîl û parlamenter beşdarî xwepêşandanê bûn.

Xwepêşandan bi peyama helbestvanê mezin Şêrko Bêkes hate destpêkirin, herweha parlamenterê Kurdistanê Dr. Refîq Sabir, Mihemed Emîn Pênciwênî jî gotarên xwe pêşkeş kirin.

Di xwepêşandanê de ji bo aştiya gelan dirûşm hatin avêtin û daxwaz ji Tirkiyeyê hate kirin ku madeya 69’ê ya Dadigeha Destûrî ya Tirkiyeyê ku DTP bi wê madeyê hate girtin, bê hilweşandin û kurd û tirk bi awayekî biratî hevre bijîn.

Herweha di xwepêşandanê de peyama hevserokê DTP’ê Ahmet Turk jî hate xwendin ku tê de biryara Dadigeha Destûrî hate şermezarkirin


Parlementerên DTP'ê biryar dan ku bi BDP li parlementoyê bimînin


Hevserokê DTP'ê ya hate girtin Ahmet Turk ê qedexeya siyasî ye, diyar kir ku piştî nerîn û daxwazên gel, saziyên sivîl girtin û Rêberê PKK'ê Abdullah Ocalan nirxandin, biryara ku ji parlementoyê îstifa nekin û di Partiya Aştî û Demokrasiyê de têkoşîna xwe bidomînin stendine.

Hevserokê DTP'a hate girtin Ahmet Turk ku qedexeyê sîyasî ye, têkildarî berdewama siyaseta li parlementoyê û partiya nû civîna çapemeniyê li dar xist. Turk, diyar kir ku DTP bi biryara Dadgeha Makezagonê hate girtin û bi girtina DTP'ê re heta niha 6 partiyên wan hatine girtin. Turk, destnîşan kir ku biryar girtina DTP'ê siyasî û dijhiqûqî ye û wiha got: "Ev biryar mirovan pir dixe nava fikaran. Kesên ku naxwazin Tirkiye demokratîk bibe biryar dane. Ev biryara feraseta înkar, îmha û asîmilasyone ye. Ev ne biryarek hiqûqî ye. Partiyên HEP, DEP, OZDEP, HADEP, DEHAP û DEP di encama vê ferasetê de hatin girtin. Lê dîsa van astengiyan bawariya me ya aştî, demokrasî û azadiya têk nebir. Me her tim biryara mezinkirina demokrasiyê sten. Li gel 6 partiyên me hatin girtin em dîsa aştî û demokrasiyê esas digrin."

'Li cîhanê tu partiyên piştî 6 caran hatine girtin têkoşîna xwe nemeşandine'

Turk, da zanîn ku li cîhanê heta niha tu partiyên ku piştî 6 caran hatine girtin dîsa dest bi têkoşîna aştî û demokrasiyê nekirine û tenê ew ji ber baweriya aştî û demokrasiyê piştî girtina partiya 6'an dîsa têkoşîna xwe bi piştgiriya gel dimeşînin. Turk wiha dom kir: "Lê belê ji ber ku em girîngiyê didin aştî û demokrasiyê em di vê daxwaz û biryara xwe de israr dikin. Divê berî her tiştî em Partiya Aştî û Demokrasiyê (BDP), bi hêz bikin. Em wê bigînin asta ku bibe bersîvê hemû kesan. Bibe wicdanê gelê kurd, tirk û Tirkiyeyê. Ger ku em demokrasiyê serdest bikin wê demê Tirkiye dê demokratîk bibe. Divê hemû bawerî karibin bi avayekî azad xwe bînin ziman. Niha li Tirkiyeyê pêdivî bi wartiyek wisa heye. Kesên demokrasiyê esas digre û girîngiyê didin demokrasiyê divê li dora BDP'ê kom bibin û hêzê bidin vê partiyê. Divê BDP berpirsiyariya demokratîkbûna Tirkiyeyê bide ser mile xwe. Ji bo me tekoşîna demokrasiyê esas e. Partiya me DTP'ê seknek bi rûmet da nişan. Ji ber vê sekna wan a bi rûmet ez hemû kesên ku piştgirî dane û têkoşîn meşandine ez wan pîroz dikim.

'Me daxwazên gel li ber çavan girt'

Turk, di berdewama axaftina xwe de anî ziman ku Rêberê PKK'ê Abdullah Ocalan jî bi riya parêzeran anî ziman ku divê parlemento neyê terk kirin û têkoşîn di parlementoyê de di qada siyasî de bê meşandin. Turk, destnîşan kir ku piştî wan fikrê gel, saziyên sivîl û nerînên Ocalan li ber çavan girt gihiştin baweriya berdewama domkirina parlementoyê.
Turk wiha dom kir: "Windakirina canekî ji girtiya partiyekê girîngtir e. Ji bo ku em qet naxwazin mirov bêne kuştin, em bang li hemû kesî û partiyan dikin em dibêjni werin em êdî bes canan winda bikin, werin em rê li pêşiya kuştin û windakirinan bigrin. Em dibêjin werin em bi hevre têkoşîna aştî û demokrasiyê bim.

Uras beşdarî BDP'ê dibe

Parlementerê Serbixwe yê Stenbolê Ufuk Uras ku biryara mayîna li Meclisê ya DTP'ê nirxand, diyar kir ku ji bo avakirina komê wekî berî niha gotî dê beşdarî BDP'ê bibe.

DTP'ê li ser pêşniyaza gel û Rêberê PKK'ê Abdullah Ocalan biryar da ku li Meclisê bimîne û beşdarî Partiya Aştî û Demokrasiyê bibe. Li ser vê yekê Parlementerê Serbixwe yê Stenbolê Ufuk Uras mijar ji DÎHA'yê re vegot. Uras diyar kir ku mayîna parlementeran a li Meclisê di cih de dibîne û wiha axivî: "Tevgera li gorî rewşenbîr, nivîskar, saziyên civakî û gel a têkildarî mayîna li Meclisê pir baş bû. Ji ber vê yekê ez memnûniyet û spasiyên xwe tînim ziman. Ji bo hemû rengên Meclisê hebin û komek cuda hebe tişta ji destê min tê ez dê bikim. Min berî niha biryarek mutevazî dabû. Ez dê vê biryarê bi cih bînim. Ji bo avakirina komê ez jî dê tev li BDP'ê bibim. Ji bo aştiyê lazim e êdî gavên ber bi çav bên avêtin. Divê komar êdî vegere komara demokratîk. Komara civakî. Ez vê hêviya xwe tînim ziman." Têkildarî avakirina partiya nû jî Uras diyar kir ku xebatên wan hêj nûbûne û di pêşerojê de dê vê mijarê baştir binirxîne.

Ocalan: Divê DTP’î di Parlamentoyê de bimînin

Abdullah Ocalan Li gorî nûçeya ku di ANF de cih girtiye, Öcalan pêr bi parêzerên xwe re hevdîtina hefteyî pêkanî û derbarê vekêşîna DTP’iyan ji parlamentoyê ku tê nîqaşkirin de axivî. Öcalan got, çareserî têkoşîna demokratîk e û derbarê îstîfaya DTP’iyan de wiha axivî:

“Di karin ji gel bipirsin û bi vê awayê biryar bigrin. Di karin li Diyarbekirê civînên gel bi hezaran kesan re çêbikin û nîqaş bikin. Piştre jî dikarin bajêr bajêr van li dar bixin. Dikarin vegerin parlamentoyê û bêjin me wisa pêwîst dît. Bi ya min hêj dema îstîfa kirinan nehatiye. Dikarin vegerin parlamento û têkoşîna demokratîk bimeşînin. Dikarin pêşniyara Ufuk Uras binirxînin. Divê destkeftiyên gelê kurd vala neyên serfkirin.”

Ocalan got, divê Hikumeta AK Partî bi awayek durust projeyek demokratîkbûnê amade bike û MHP û CHP jî wek alîgirên aloziyê binavkirin.

Tabelayên BDP têne daliqandin

Tabelayên DTP'a ku hate girtin, hatin daxistin, li cihên wê ya Partiya Demokrasî û Aşîtiyê (BDP) hatin daliqandin.

Li Amed û Cizîr û gellek bajarên din, tabelayên DTP'a ku ji aliyê Dadgeha Makeqanûnê ve hate girtin, hatin daxistin, li cihên wê ya Partiya Demokrasî û Aşîtiyê (BDP / bi kurdî PDA) hatin daliqandin.

Partiya Civaka Demokratîk (DTP) ku ji aliyê Dadgeha Makeqanûnê biryara girtina wê hate dayîn, li cihê tabelaya Rêxistina DTP'ê ya Amedê, tabelaya Partiya Demokrasî û Aşîtiyê (BDP) hate daliqandin.

Rêveberên Rêxistina DTP'ê ya Navçeya Cizîrê ya berê, tabelaya DTP'ê daxistin û li şûna wê tabeleya BDP'ê daliqandin. Serokê Rêxistina BDP'ê ya Navçeya Cizîrê Mehmet Tunç diyar kir ku têkoşîna azadiya gelê kurd, têkoşînek dem dirêj e û dê vê têkoşînê dê bi rûmetek mezin bimeşînin. Tunç, ji ber xebatên Serokê Rêxistina DTP'ê ya Cizîrê ya hate girtin M. Şefîk Uçkan û rêveberên navçeyê jî spasiyên xwe kir û wiha got: "Bila bê zanîn ku hişmendiya neqebûlkirinê ya li hemberî siyaseta kurdan, dê rojekê cihê xwe yî yê di çopa dîrokê de bibîne. Bêyî ku em bêzar bibin û moralê xwe xerabikin, em dê bi bîrdoziyek mezin û bi bêriya welata demokratîk û azad dê bêhtir bixebitin."
 

(çavkaniya giştî: HAWAR NET.com)
 


 

      Biçe Jora Rûpelê                                                                                                        Hemû naveroka beşa Nûçe »

Hemû naveroka beşa Nûçe »

Hûn jî dikarin gotar an jî lêkolînê xwe bişînin