Nûçe

lêgerîn >> têkîlî >>

kunye >>

  Rûpela Serî         Gotar       Lêkolîn       Nûçe       Belge       Servîs       Arşîw       Kunye                                      

Delîlên qetlîman dewleta Tirk yek bi yek derdikevin holê

KURDISTAN-NETEW

Weşandin:09 Nîsan, 2009

AMED --   Kolandinina erda ku di çarçevoya doza rêxistina Terorî ya Ergenekonê de ogrên bi kom a bi sedan Kurd hatine kuştin dewam dike.

Wek tê zanîn piraniya endam û sîxurên rêxistina terorî ya Ergenekonê ku hîmê wê JİTEMê ango rêxistina îstîxbarata Arttêşa tirk danîyê, li dadgeha Silivrî ya navçeya stenbolê tên darezandin ku piraniya wan ji fermandar û evserên pilebilind ya artêşa tirk pêk tê."

Bi beşdarbûna Serdozgêrê Komarê yê Amedê, heyeteke Komeleya Mafên Mirovan ya Amedê û hin malbatên windakiriyan li ser rêya navbera Amedê û navçeya Hênê li devera gundê Simaqiyê dest bi kolanê hat kirin û di encama vê kolanê de gorek bikomel hat dîtin.
Wek tê zanîn, îtîrafkarê PKKê Abdulkadir Aygan ku demek dirêj di nav JÎTEMê de xebitîbû û nuha li Swêdê dijî, demek berê lixwe hatibû mikurê ku di dema nava JÎTEMê de bûye, Fethi Yildirim û Haki Kaya kuştine û li devera navborî binax kirine. Li gor îfadeyên Aygan ev bûyer di sala 1996an de pêk hatiye.

Li ser van agahiyên Aygan, malbatên kesên windakirî serî li Dozgêriya Komarê ya Amedê dan û daxwaz kirin ku li devera navborî kolan bê kirin. Li ser vê yekê di bin çavdêriya Serdozgêrê Komarê de di 2ê Nîsanê de li devera gundê Tirelo (Qaraçalî) dest bi kolanê hat kirin lê tiştek nehat dîtin. Ev roj jî li devera gundê Simaqiyê li du nuqteyan dest bi kolanê hat kirin û di encama vê kolanê de li cihek bi qasî 100 estiyên mirovan û li cihek jî lîbasên mirovan hatin dîtin.

Li devera ku hê kolan berdewam in, Jenderme dora ciyê kolanê girtiye, rojnamevanan nêzî cih nakin. Lê du dozgêr û du berpirsên Komeleya Mafên Mirovan in jî çavdêriya kolanan dikin.

Serokê Komeleya Mafên Mirovan ya Amedê Muharem Erbey û Serokê Saziya Parêzeran BARO) ya Amedê M. Emîn Aktar ku wek çavdêr li cihê kolanê bûn, diyar kirin ku heta nuha li du nuxteyan (ku cihek jê cihê ziblê ye) kolan hatiye kirin û di encama vê kolanê de li cihek bi qasî 100 estiyên mirovan û li cihek jî lîbasên mirovan hatine dîtin. Navboriyan, herweha ragihandin ku dê kolana ev roj heta siet 15.00an bidome û dutira rojê carek din dest bi kolanê bê kirin.

Herweha, ji aliyê muxtarê gundê Gencan ve jî hat îdîakirin ku di salên 1996-97 an de ew di nav şikê de bûn ku li vê deverê li du-sê deran cesed hatine veşartin. Muxtar, herweha diyar kir ku di sala 1997an de wan, cesedê jinek û mêrek li vê deverê dîtine û ewçax rayedarên dewletê ji viya agahdar kirine û rayedarên dewletê yên wê demê cesedan birine li goristana kesên bêxwedî ya Mêrdînê binaxkirine.

Wek tê zanîn, di navbera salên 1990-98an de bi destê JÎTEMê 17 hezar kurd wenda bûn. Bawerî ew e ku ew windakirî ji aliyê JÎTEMê ve hatine kuştin û wendakirin. Lê heta nuha qisasên wan windakiriyan nehatine tespîtkirin.
Endamê JÎTEM’ê Abdulkadîr Aygan di Rojnameya Ozgur Gundemê de îtiraf kiribû di salên 1994’an de Fethî Yildirim û di sala 1996’an de jî Hakki Kaya kuştine û li ser riya gundê Tirelo veşartine. Li ser vê yekê malbata Fethî Yildirim serî li ÎHD’a Amedê û Dozgeriya Komarê ya Amedê dabû. Dozgeriya Komarê ya Amedê li ser îtirafên Abdulkadîr Aygan ji bo dîtina hestiyên Fethî Yildirim pêr li gundê Tirelo dest bi xebatên kolanê kiribûn. Dozgeriya Komarê duh jî li gundê Dereboyuya navçeya Hênê ji bo dîtina hestiyên Hakki Kaya dest bi xebatan kir. Di kolanadinan de Dozgerê Komarê yê Amedê Îsmaîl Aksoy, malbata Kaya û Serokê ÎHD’a Amedê Muharrem Erbey amade bûn. Li cihê kolanê tedbîrên berfireh hatin girtin û ji bo rojnameger dîmenan nekişînin li derdora cihê kolanê bend hatin danîn. Di encama kolanê de ji 300’î zêdetir perçeyên hestiyan derketin û ji bo lêkolînkirinê dê bişînin Saziya Tipa Edlî.

HAK-PAR’ê daxuyaniyek belav kir

Ji aliyekî din ve jî şaxê Amedê ya Partiya Maf û Azadiyan-Hak-Parê derbarê lêgerîna li windakiriyan ya li Amedê de daxuyaniyek belav kir.

Di daxuyaniyê de tê gotin :”Bi pêvajoya lêpirsîn û doza rêxistina terorî ya Ergenekonê re cesedên beşek ji wan kuştiyan ji bîrên asîdê û beşek jê jî ji bin axê tên derxistin.

Ji ber yekê divê ev kolan û lêgerîn bê kûrtir bibe û her aliyê welat bê kolandin.

Divê ew sûcdarên van kiryarên nemirovne bên tespîtkirin û li pêşperê dadgehên adil hesab ji wan bê pirsîn.

Em wek Partiya Maf û Azadiyan dixwazin bi raya giştî bidin zanîn ku heta dawî li van kiryaran neyê û sûcdar neyên darezandin, em ê dev jê bernedin.”

AKP di opreasyona Ergenokê de durûye

Piştî li dijî AKP doza girtinê hate vekirin û derdorên mîlîtarîst û şoven AKP xistin tengasiyê û îmaja AKP xirab kirin, niha AKP ji nû bi dest xistina hêza û bo çavtirsandina wan dersoran hin beşên çeteya Ergenekonê deşîfre kir.

Xuyaye ku AKP vê çeteyê bi temamî ji holê raneke û dewleta kûr a Tirk û çeteyên bi rengî her hebin. Jixwe AKP guhertina helwesta xwe hember Kurdan û êrîşkirina ser gelê kurd dide diyar kirin ku naxwaze şerê li bakûrê Kurdistanê bi dawî be. Li aliyê din de jî gelek eşkereye ku çeteya Ergenekon yek ji bingehîn hêz e ku şerê qirêş a li bakûrê Kurdistanê li dijî kurdan dimeşîn e ye. (Kurdistannetew.net / Dîha)



 

      Biçe Jora Rûpelê                                                                                                        Hemû naveroka beşa Nûçe »

Hemû naveroka beşa Nûçe »

Hûn jî dikarin gotar an jî lêkolînê xwe bişînin