Nûçe

lêgerîn >> têkîlî >>

kunye >>

  Rûpela Serî         Gotar       Lêkolîn       Nûçe       Belge       Servîs       Arşîw       Kunye                                      

Cemata Fetullah Gulen bî riya medyayê êrîşên hemberî Kurdan fît dike

KURDISTAN-NETEW / SERHAD B.RÊNAS - RONYA ARÎ

Weşandin:26 Nîsan, 2009

AMED --   Wek tê zanîn cemata Fettulah Gulen demeke dirêeje ku bi weşanên xwe yên medyaya êrîşî Kurdan dike piştî operasyona ser DTP êrîşên xwe yên zêde kirin.

Bi taybetî televîzyona bi navê Samanyolu TV bi weşana xwe ya nijad perest êrîşî Kurdan dike û DTP wek hedef nîşan dide.

Piştî ku di hilbijatinan de li gel hemû hewldanên cemata Fetullah Gulen AKP li Kurdistaê têk çû êrîşên gruba Fetullah Gulen jî ser DTP û saziyên Kurdan hin zêdetir bû.


Televîzyona STV her roj bi nûçeyên xwe yên derew him raya giştî ya Tirkan him jî dewletê hember sazîyên Kurdan fît dike û sor dike.


Însiyatîfa Gel a Kurdistanê jî 2 roj berê bi daxuyaniyeke nivîskî ragihand ku cemaeta Gulen û Hikûmeta AKP’ê dê di bin operasyona li hemberî gelê kurd daye destpêkirin de bimînin. Însiyatîfa Gel ragihand ku ji niha şûnde li Kurdistanê û metropolên Tirkiyeyê saziyên aydê Cemaeta Gulen û rêveberên AKP’ê di hedefa wan de ne. Însiyatîfa Gel di daxuyaniya xwe de wiha got: “Her wekî tê zanîn AKP û aqildarê wê Fetullah Gulen nûnerên gelê kurd ên DTP’î û nûnerên saziyên kurd ji bo xwe kirine hedef, fûryaya binçavkirinan daye destpêkirin û bi îdiayên derew dane girtin. Em wekî Însiyatîfa Gel a Kurdistanê sedema vê operasyonê baş dizanin. Fermana ji bo vê operasyonê ji aliyê Serokwezîrê Dewleta Tirk Recep Tayyîp Erdogan û aqildarê wî Fetullah Gulen ve hatiye dayîn. Hêzên polîsan ên girêdayî xwe bi mebesta tolhildanê berê DTP’ê û gelê kurd kirine.”

Di daxuyaniyê de hate destnîşankirin ku bersiva gel a li hemberî dek û dolabên gemarî dê hebe û wiha hate gotin: “Ji niha şûnde tu rayedarên AKP’ê dê nikaribin bi rehetî li Kurdistanê bigerin û faaliyetên xwe pêk bînin. Ev hêz dê nikaribin rehet nefesê bigirin.” Di daxuyaniyê de banga piştgiriya ji bo DTP’ê jî li gelê kurd hate kirin

Medyaya Fetullah Gulen hemberî Kurdan dijberîyeke mezin pêk tîne

Televîzyona Samanyolu TV(STV) û rojnameya Zaman, kovara Aksîyon, kovara Sizinti û gellek weşanên din û bi hin weşanên herêmî jî di îdolojîya Fettulahçîyan de weşan dikin. Li bakûrê Kurdistanê Fettullahçîyan yek ji perçeya asîmîle kirina neteweya Kurd in. Hessasîya olî ya gelê bakûrê Kurdistanê tê bi karanîn û bi dersxane,dibistanên taybetî,mal û yurdên bo xwendekaran,bi rojname,kovar û pirtukan ciwanên Kurd têne asîmîle kirin. Xebatên Fettulahçîyan bi piştgirîya gellek derdorên dijberên Kurdan li hemû bakûrê Kurdistanê heta Kurdistana azad jî tevde tê meşandin. Fettulahçî bi taybetî sîstema perwerdeyê bi dest xistine û piştî bûyera 28 sibata Tirkîyê bo legal bû û pêşketinê vê qadê ji xwe re wekî bingeh girtine ji dersxane û dibistanên taybetî bigrin,kovarên zanistî pirtukên bo amadekarîya ûniversîte ji alîyê wan tê weşandin.

Hedef ji holê rakirina destkeftiyên Kurdan e

Helwestên faşîst û Tirçitî ya cemmata Fettullah Gulen ku nêzî politikayên AKP ne wisa nîşan dide ku zextên arteşa Tirk nebe jî derdorên han xwedî fikrên Tirkperest-Îslamî ne û dev ji yek ala, yek dewlet, yek sirûd bernadin û Kurdan jî wek perçeyeke "milletê Tirk" dibînin û mafên neteweyî ya Kurdan qebûl nakin. Li gor wan derdoran tenê çend mafên hiquqî, însanî û takekesî ya Kurdan hatin binpêkirin. Li gor wan Kurd bi serê xwe ne netewin, perçeyeke ji milletê Tirkiyene lê xwedî koka cûda ne. Wisa difikirin ku ger mafên takekesî ya Kurdan were dayin dê pirsgirêka Kurd bi temamî çareser be.

Fethullah Gulen û cemaeta wî ku wek Fettullahçî tên naskirin li Asya Navîn û li Kafkasyayê, bi taybetî jî li cumhûriyetên tirk, ji bo belavkirina karîgeriya Tirkîtiyê û bîrûbaweriyên cemaeta xwe ya dînî, xwendegehan ji dibistanê heta unîversîteyan vedike, li Kurdistana Federe li Hewlêr û Silêmaniyê jî bi navê dibistanên Işik (ronahî) û Nulîfer xwendegeh vekirine.

Li beramberî wan hewlên xeter dewlemenên Kurd tiştek nakin. Divê Kurd jî him li bakûr û him jî li başûr dezgehên pêşketî yê perwerdeyî avabikin. Ji ber ku di civakê de dezgehên herî bingehîn û girÎng dezgehên perwerdeyêne û bandorê perwerdeyê di hemû qad û konaxên jiyanê de heye. (Hawarnet.com).



 

      Biçe Jora Rûpelê                                                                                                        Hemû naveroka beşa Nûçe »

Hemû naveroka beşa Nûçe »

Hûn jî dikarin gotar an jî lêkolînê xwe bişînin