Nûçe

lêgerîn >> têkîlî >>

kunye >>

  Rûpela Serî         Gotar       Lêkolîn       Nûçe       Belge       Servîs       Arşîw       Kunye                                      

Li Kurdistanê şer dijwar dibe; gellek leşkerên Tirk mirin

ajansan

Weşandin:17 Nîsan, 2009

AMED --  Wek tê zanîn piştî hilbijartinana şerê li Kurdistanê dijwar bû operasyonên ku derbeyeke mezin li pêvajoya çareseriya pirsgirêka kurd xist zêde bûn.

Li bejahiya Amedê di navbera gerillayên HPGê û eskerên Tirk de şer derket eskerek hat kuştin û 4 esker jî birînadr bûn.Li herêma Amedê û navçeyên wê Hênê, Pîran û Lîceyê 2 hefteye eskerên Tirk li dijî Hêzên Parastina Gel HPG derketine operasyonê.

Li gorî agahiyên herêmî, doh saet li heşt û nîv ê êvarê di navbera gerillayên HPGê û eskerên Tirk de şer derket. Di encama şer de eskerek hat kuştin û yek jê astsubay 4 esker jî birîndar bûn.

Navê eskerê hatî kuştin çawişê bispor Berkant Şara ye û xelkê ji bajarê Tirkiyê Muglayê ye.
Li aliyê din hate zanîn ku artêşa Tirk gelek esker û û cebilxane şandiye gundê Zirextê yê giradyî navçeya Amedê Lîceyê.Her wiha operasyon li Çewlîkê jî dewam dikin

Li gor HPG 27 leşker hatin kuştin û 5 gerila jiyana xwe ji destdane

Li Kurdistan’e ji destpêka meha nîsanê de şer û pevçûnên navbera Artêşa Tirk û gerîllayên PKKê careke din destpêkir. Herçend PKK hefta borî biryara rawestandina şer heta dawiya meha Hazîran’ê da jî operasyonên artêşê berdewan dike.
Roja pêncşemê Nawenda Ragehandina Hêzên Parastina Gel (HPG) di derbarê şerên hefta borî de daxuyaniyekî da. Di daxuyaniyê de hat gotin ku di şerên li çend hereman de 27 leşker hatin kuştin û gelek jî brîndar bûne û gelek çekên artêşa Tirk derbasî deste gerilla bûne. Herwiha di şer de li Herama Botan 5 gerîlayan jî jiyana xwe jidest dane.

HPG di daxuyanşiya xwe de dibejê, herçend hêzên wan ji ber biryara şerrawestinê êriş nakin jî, di operasyonan de ji neçarî xwe diparêzin û şer derdikeve.

Li gor daxuyaniyê şerê ku di hefte ya dawîn de qewimîne wiha ne:

‘’1. Di 13 Nîsan’ê de li Amed’e li Navçe ya Pîran’ê li heremên Gursê, Uçkula, Haftanîn, Arçek û Heredan ji alî artêşa Tirk ve operasyonekî berfireh hatiye destpêkirin. Di êvara15 Nîsan’ê de li Tepesor’ê şerkeî derketiye. Di şer de yek efser û 10 leşker hatine kuştin. Di vî şerî de 2 HK 33 çekên ferdi 1 dûrbînekî laser ketiye deste gerilla. Operasyon hîn jî didome û gerilla xesar nedîtiye.

2. Di roja 9’ê Nîsan’ê de Artêşa Tirk li herema Botan’ê tevî cerdevanên Dergûl û Segirkê li Şirnex’ê li çiyayên Besta, li deverên Girê Tendurê, Girê Xanê, Tepe Firinê, Serkê Hêryar, Serkê Deryan, Serkê Muhammedê Uso, Behrêter, Çelêsor, Geliyê Hêzil, quntarên Herekol’ê û Kanî Botkê operasyonekî berfirêh daye destpêkirin. Bi dehan hezar leşker û cerdevan tevlî operasyonê bûne. Di operasyonê de li çend devran şer derketiye. Di şerên vê herêmê de 17 leşker hatine kuştin û gelek jî brîndar bûne. Ji leşkerên kuştî 3 çekên ferdi û silahekî BKC û kunyeya leşkerekî kuştî ketiye deste gerîlla.

Operasyon darbeyê li pêvajoyê xist

Li Kurdistanê bi hatina biharê operasyon her diçe zêde dibe. Di 2 hefteyên dawî de ligel biryara KCK’ê ya bêçalakiyê li gelek herêmên Kurdistanê operasyonên leşkerî yên Artêşa Tirk bênavber didomin.

Koma Civakên Kurdistanê (KCK) beriya hilbijartinên herêmî biryara bêçalakiyê girtibû. Piştî hilbjiartinan jî heta meha hilbijartinan jî ji bo ku pirsgirêka kurd bi riya diyalog û siyasî bê çareserkirin heta meha hezîranê ev biryara xwe ya bêçalakiyê dirêj kir. Lê piştî hilbijartinên herêmî Artêşa Tirk operasyonên leşkerî zêde kir. Bi taybetî li bakurê Kurdistanê ji Amed û Dêrsimê heta Colemêrgê operasyon bênavber didomin. Di hilbijartinên herêmî de DTP’ê serkeftineke girîng bi dest xist û 99 şaredariyên bajar, navçe û bajarokan qezenc kir. Ev serkeftina siyasî û helwesta gelê kurd nîqaşên ji bo çareseriya pirsgirêka kurd jî zêde bûn. Bi taybetî ev encam ji bo vekirina riya diyalogê gaveke girîng hate nirxandin.

Lê ligel van nîqaş, nirxandin û nêrînan dewleta tirk li şûna ku riyên diyalogê vebike û vê rewşa êrênî weke fersendekê bibîne giraniyê dide operasyonên leşkerî. Artêşa Tirk li her devera bakurê Kurdistanê operasyonên leşkerî daye destpêkirin. Çiyayên Kurdistanê bombebaran dike. Li hemberî sivîlan jî terora xwe didomîne û qetlîaman pêk tîne.
Ligel biryara KCK’ê û daxwaza gelê kurd ev operasyon û qatlîamên dewletê yên li hemberî gelê kurd û gerîlayan weke provokasyonekê tê nirxandin.

Sivîl hatin qetilkirin

Dewleta Tirk piştî hilbijartinên herêmî cara ewil israra di şer de li gundê Amarayê nîşan da. Girseya ku ji bo rojbûna Rêberê Gelê Kurd xwest biçe gundê Amarayê rastî êrîşeke hovane hat. Di encama êrîşê de ciwanên bi navê Mahsûn Karaoglan û Mustafa Dag ji aliyê polîs û leşkeran ve hatin qatilkirin.

2 Hefte ye operasyon didome

Piştî hilbijartinên herêmî Artêşa Tirk li Amed û Çewlikê operasyon da destpêkirin. Li sêgoşeya Licê, Hênê û Darayeniyê operasyona ku Artêşa Tirk daye destpêkirin her ku diçe berfireh dibe. Helîkopterên leşkerî yên ku ji Licê û Darayeniyê radibin herêmê bombebaran dikin û leşkeran sewqî herêmê dikin. Herî zêde jî operasyon li herêma Koçwarê û Çeperê bi berfirehî didome. Gundiyên li herêmê ji ber operasyonê bi fikar in. Li gorî agahiyan li herêmê dem bi dem pevçûn jî diqewimin.

Li Şemzînan û Besta…

Li herêma Şemzînan û Bestayê jî Artêşa Tirk piştî hilbijartinan operasyon da destpêkirin. Operasyona li vir jî bêhtir li herêmên Begova, Şapata, Bêsosin, Bêdevê, Bembo û Musekayê didome. Operasyona ku di 9’ê mehê de dest pê kiribû hê jî didome.
Yek ji herêma ku Artêşa Tirk operasyon daye destpêkirin çoltera navçeya Çelê ya Colemêrgê ye. Helîkopterên skorsky ên ku ji 3’yemîn Fermandariya Tumen a Taktîk a Colemêrgê radibin diçin çoltera Çelê û herêmê hem bombebaran dikin û hem jî leşkeran dibin herêmê. Her wiha di heman demê de ji 20’emîn Fermandariya Tugay a Cendirmeyan jî balafirên şer herêmê bombebaran dikin.

Li Mêrdînê sewqiyat

Artêşa Tirk li herêma Mêrdînê jî amadekariya operasyona leşkerî dike. Bi taybetî jî ji navçeya Şemrexê ber bi herêmên Kurê Jor û Kurê Jêr sewqiyat tê kirin. Ji bo operasyonê tîmên taybet û leşkerên ku bi taybetî hatine perwerdekirin têne sewqkirin. Li gorî agahiyên ku hatine bidestxistin ji bo operasyoneke berfireh li vir amadekarî tê kirin.
Li aliyê din di vê pêvajoyê de li herêma Cûdî û Bestayê jî amadekariya operasyonê tê kirin. Li gorî agahiyên ku ji çavkaniyên herêmî hatine bidestxistin li herêmê cerdevanên Sêgirkê jî ji bo operasyonê têne amadekirin.

Artêşa Tirk li Dêrsimê jî bi rojan e operesayoneke berfireh didomîne. Operasyon zêdetir li deverên Dokuzkayalar, Kutu Dere û Geliyê Mûnzûrê berfireh dibe. Hate ragihandin ku li hin cihan jî bi teyareyên Skorsky leşker tên bicihkirin û hind cihan pevçûn pêk tên.

Windahiyên Artêşa Tirk

Di operasyonên ku Artêşa Tirk daya destpêkirin de gelek windahî jî çêbû. Navenda Ragihandinê ya Hêzên Parastina Gel bi daxuyaniyekê aşkera kiribû ku di operasyonên herêma Colemêrgê de gerîlayên wan li hemberî Artêşa Tirk 4 çalakî li dar xistine û di encama van çalakiyan de 17 leşker hatine kuştin. Daxuyaniya Hêzên Parastina Gel wiha bû: “Di 6’ê mehê de gerîlayên me li hemberî leşkerên ku derketine operasyonê çalakiyek pêk aniye. Di encama çalakiyê de 4 leşkerên dijmin hatine kuştin û 2 leşker jî birîndar bûne. Di heman herêmê de gerîlayên me çalakiyeke duyemîn pêk anîne û li vir jî 5 leşker hatine kuştin, 4 leşker birîndar bûne. Di 7’ê mehê de li hemberî Artêşa Tirk ku xwestine lutkeya Şehîd Şiyar bi dest bixin 2 çalakî hatine lidarxistin. Di çalakiya yekemîn de 6 leşker hatine kuştin 2 leşker birîndar bûne. Di çalakiya duyemîn de jî 2 leşker hatine kuştin 4 leşker birîndar bûne.”

Li aliyê din di operasyonan de li herêma Şirnexê 4 endamên HPG’ê jî di encama pevçûnan de jiyana xwe ji dest daye.



 

      Biçe Jora Rûpelê                                                                                                        Hemû naveroka beşa Nûçe »

Hemû naveroka beşa Nûçe »

Hûn jî dikarin gotar an jî lêkolînê xwe bişînin