Nûçe

lêgerîn >> têkîlî >>

kunye >>

  Rûpela Serî         Gotar       Lêkolîn       Nûçe       Belge       Servîs       Arşîw       Kunye                                      

Li Kurdistana azad piştî "rizgariya" Iraqê destkeftiyên raperînê yek bi yek ji dest diçe

K-NETEW

Weşandin:27 Sermawez, 2009

AMED (DIYARBEKÎR) --   Piştî dagir kirina Iraqê li şûna ku destkeftiyên Kurdan zêde be berovejî deskeftiyên heyî jî ji dest diçin.

Li ser daxwaza wezareta bergiriyê ya Iraqê û bi biryareke fermanderê giştî yê hêzên çekdarî ên Iraqê Nurî Malikî, sala nû dê herdu kolejên leşkerî ên l Qeleçolan û Zaxoyê bên girtin.

Berdevkê resmî yê wezareta pêşmerge ya herêma Kurdistanê Caber Yawer ji PUKmedia’yê re got:” Li gor vê biryarê divê herdu kolej bi yekcarî bên girtin û dê êdî ji bo perwerdeya leşkerî bên bikaranîn.Li gor vê biryarê divê li Iraqê tenê kolejeke leşkerî bimîne ku ew jî koleja leşkerî ya Rostemiye ya li Bexdayê ye.”
Yawer got:” Ev mesele têkilî bi arîşeyên hilawistî yên navbera Bexda û hikûmeta herêmê nîne, biryar ya hikûmeta Bexdayê ye nemaze wezareta bergiriyê ku wan li wezareta bergiriyê pêdivî bi 4 kolejên leşkerî nîne belkî tenê pêdivî bi kolejekê heye.”

Wezîrê pêşmerge: “Biryara girtina kolejên leşkerî yên Qeleçolan û Zaxoyê bêmentîqî ye”

Piştî ku bi agahdariya Malikî biryar hat dayîn ku kolejên leşkerî yên Qelaçolan û Zaxoyê bên girtin, wezareta pêşmerge diyar kir, hincetên wê biryarê lewaz û nemantiqîne û eger hikûmeta federalî ji wê biryarê venegere û ew dê axaftinên din bikin.

Wezîrê pêşmerge yê hikûmeta Herêma Kurdistanê Cafer Şêx Mistefa ecebmayîna xwe li hemberî biryara girtina kolejên leşkerî yên Herêma Kurdistanê ji aliyê wezareta berevaniyê ve nîşan da û aşkere kir, pêştir ew ji wê biryarê nehatiye agahdarkirin.

Hefteya bihurî hate ragihandin ku li ser daxwaza Wezareta Berevaniyê ya Iraqê û bi rizamendiya serokwezîrê Iraqê Nûrî Malikî û fermandarê giştî yê hêzên çekdarî yên Iraqê, Wezareta Berevaniyê biryar daye, herdu kolejên leşkerî yên Qeleçolan û Zaxoyê ku piştî Raperîna sala 1991’ê ya xelkê Herêma Kurdistanê hatine vekirin, bên girtin.

Wezîrê pêşmerge diyar kir, ew du kolej di warên mamoste û perwerdeyê de akademiyên leşkerî yên herî pêşketî ne.
Cafer Şêx Mistefa rexne li hikûmeta Iraqê jî girt û got: “Tenê zehmet jî nekirin ku bi awayekî fermî li ser wê biryarê me agahdar bikin. Hincetên dayîna wê biryarê lawaz û nementiqî ne.”

“Piştî Raperîna sala 1991’an ku hikûmeta Herêma Kurdistanê ji hikûmeta Iraqê cuda bû, ew du kolej hatine vekirin û amanca vekirina wan jî bihêzkirina şiyana leşkerî ya hêzên pêşmerge bû lê piştî sala 2003’an û guhartina rejîmê, çendîn efserên wan du kolejan beşdarî avakirina arteşa nû ya Iraqê bûn.”

Di dawiya axaftina xwe de Cafer Şêx Mistefa got jî: “Em dê digel Bexdayê li ser wê biryarê gotûbêjê bikin û eger hikûmeta federalî ji wê biryarê venegere û em dê axaftinên din bikin.” ..

(çavkaniya giştî: HAWAR NET.com)
 


 

      Biçe Jora Rûpelê                                                                                                        Hemû naveroka beşa Nûçe »

Hemû naveroka beşa Nûçe »

Hûn jî dikarin gotar an jî lêkolînê xwe bişînin