Nûçe

lêgerîn >> têkîlî >>

kunye >>

  Rûpela Serî         Gotar       Lêkolîn       Nûçe       Belge       Servîs       Arşîw       Kunye                                      

Darbeya rastî li bakûrê Kurdistanê ser Kurdan derbe pêk tê

K-NETEW

Weşandin:25 Çile 2010

AMED (DIYARBEKÎR)  --   Bi rojane li Kurdistanê derbeyeke rastî ji aliyê AKP ve ser Kurdan pêk tê.

Li Tirkiyeyê Îdirê di 21’ê rêbendanê de şaredarê Partiya Aştî û Demokrasiyê (BDP) Mehmet Nuri Güneş hate kelepce kirin.

Li gorî agahiyên ku gihaştine AKnewsê, di çarçoveya operasyonên KCK de, di 21’ê rêbandanê de li Îdirê leşkeran serdagirtina mala Şaredarê Îdirê Mehmet Nuri Güneş kiribû tevî wî serokê bajêr yê BDP’ê Şebap Çelik jî di nav de 12 kes girtibûn binçavan. Duhî êvarê pîştî îfadeyên wan ên di Fermandariya Cendermeyên Bajêr de dûh di bin kontrola doktor hatin derbaskirin û piştre hênartin dozgeriyê.

Di dozgeriyê de îfadeya 12 kesan hate girtin û bi merema girtinê ew hênartin Dadweriya Nobedar. Rûniştin berdêstê sibehê îro temam bû û derheqî Şaredar Mehmet Nuri Güneş, Serokê Bajêr ê BDP’ê Şebap Çelik, Serokê Sendikaya Hoşhaber yê berê Nusret Aras û endamên BDP’ê Mehmet Haşimoğlu, Mecit Baştaş, Abdulbahri Tendik, Mehmet Güven û Aziz Çam ji bi îdiaya “endamên rêxistinê ne” biryara bendikirinê hate dayîn. 4 kes jî bêyî ku girtî bimînin dê bêne darizandin.

BDP’iyên ku hatin bendîkirin hênarin Girtîxaneya Girtî yê Îdirê.

Derbeya rastî li Kurdistanê ye


Bi mehane êrîşên ser Kurdan gav bi gav zêde dibe. Kurd têne kuştin. Partiya wan tê girtin. Şaredar û sîsetmedarên wan bi kelebceyê kirinê tê girtin, navê zarokên wan tê qedexe kirin, ji ber stranên Kurdî ceza û lêdan dixwin û êrîşên cur bi cur.

Zext û operasyonên dewleta Tirk BDP û saziyên kurdan dewam dike. Li dijî operasyona ser BDP nerazîbûna gelê Kurd mezin dibe.

Serokomarê Tirk Abdullah Gul digot ku îsal wê pirsgirêka kurd bê çareserkirin û “Dê tiştên pir baş” çêbin. Mixabin di nava kurdan de jî gelek alî bi van gotinan hatin xapandin û di wê baweriyê de bûn wê pirsa kurd li Tirkiyeyê bê çareserkirin. Pişte AKP "nexşerê" ya xwe ya çareseriyê diyar kir. Di plana AKP tu daxwazên serke yên Kurdan tune bû. Wek perwerdeya bi zimanê Kurdî, berifrehtir kirina mafên rêvebiriyên herêmî û hwd..



Li aliyeke planên derbeyê derdikeve holê û AKP wan planan ji bo berjewendiyên xwe bi kartîne. Li aliyekî din bi rojane li Kurdistanê derbeyeke giran ji aliyê AKP ve ser Kurdan pêk tê.
 

(çavkaniya giştî: HAWAR NET.com)
 


 

      Biçe Jora Rûpelê                                                                                                        Hemû naveroka beşa Nûçe »

Hemû naveroka beşa Nûçe »

Hûn jî dikarin gotar an jî lêkolînê xwe bişînin