Nûçe

lêgerîn >> têkîlî >>

kunye >>

  Rûpela Serî         Gotar       Lêkolîn       Nûçe       Belge       Servîs       Arşîw       Kunye                                      

Ji bo Kerkûkê gotin gellek e lê xebat kêm e

K-NETEW

Weşandin:25 Çile 2010

KERKÛK   --   Talabanî; Kerkûk Kurdistanîye, em dev jê bernadin.

Serokê Iraqê Celal Talebanî da xuyakirin, ku bajêrê kerkûkê bajêrekî kurdistanî ye û ew dev jê bernadin. Serokê Iraqê tekezî li ser xurtbûna hevpeymanîya bi Partîya Demokrata Kurdistanê jî re kir. Serokê Iraqê doh serdana bajêrê kerkûkê kir û kombûnek berfireh bi kadirên YNK re saz da û tê de bi berfirehî jî, behsa hilbijartinên parliyamenta Iraqê kir.

Li angora evê nûçeya SewtulIraq serokê Iraqê daye xuyakirin, ku qonaxa pêşîya Iraqê qonaxeka sext û dijwar e û pêdivêyî têkoşîna hemû alîyan e, da ku bingehên demokrasîyê bi cih bibin û destûr jî pêk bihê.

Li angora evî jêderî serokê Iraqê tekezî li ser bi cihanîna maddeya 140 û maddeya 142 yên destûra Iraqê kiriye û daye xuyakirin, ku ev herdu madde ji gelê kurdistanê re çarenivîssaz in.

Di bareya hevpeymanîya navbera PDK û YNK jî de serokê Iraqê Celal Talebanî got: em bê evê hevpeymanîyê nikarin destkevtên destûrî biparêzin.. Herweha, em bê evê hevpeymanîyê nikarin hêvîyên xwe jî pêk bihînin.

Serokê Iraqê Celal Talebanî di bareya pirsa kerkûkê jî de got: kerkûkê bajêrekî kurdistanî ye û em ticaran dev jê bernadin.. belê ev bajêrê han bajêrê biratîyê û jîyana bi hev re ya aştîyaneya hemû neteweyan jî ye.. divê em li ser bingeha hezkirinê dan û standinê bi hev re bikin, ji ber ku em pêdivêyî siyaseteka birayane, mirovane û demokratîk in.

Serjimêriya giştî dê Kurdistanîbûna Kerkûkê yekalî bike

Biryar e serjimêriya giştî ya Iraqê ku herêma Kurdistanê jî dê bigire nav xwe, di meha kewçêrê de bê pêkanîn. Serokê dezgeha navendî ya serjimêriyê ya Iraqê Mehdî El’Alan diyar ku herêma Kurdistan, Kerkûkê bi ya xwe dizanin û got: “Lewre serjimêrî dê vê meseleyê yekalî bike.”


Serokê dezgeha navendî ya serjimêriyê ya Iraqê Mehdî El’Alan diyar kir ku piştî 23 salan ji pêkanîna serjimêriya giştî ya Iraqê, biryar e di meha kewçêra îsal de serjimêriyeke din ya giştî bê pêkanîn ku dê herêma Kurdistanê jî bigire nav xwe.

El’Alan diyar kir ku prosesa serjimêriyê dê du rojan dom bike û sedema taloqbûna serjimêriyê jî ku biryar bû zûtir bihata pêkanîn, vegerand bo metirsiya aliyên cihê yên Iraqê ku bandorên siyasî li ser prosesê çê nekin, bi taybet jî li bajarê Kerkûkê.

El’Alan got: “Herêma Kurdistan, Kerkûkê bi ya xwe dizane. Lê serjimêrî dê wê meseleyê yekalî bike ku gelo kurd mezintirîn pêkhateya wî bajarî ye ya na.”

Giringiyeke din ya wê serjimêriyê ew e ku bi aşkerebûna hejmara akinciyên herêma Kurdistanê dê para herêmê jî ji dahata Iraqê bê diyarkirin ku niha ji %17’yê dahata Iraqê ye. Eger serjimêrî biselmîne ku rêjeya kurdan li herêma Kurdistanê ji ya niha zêdetir e, wê demê li gor destûrê para wê jî ji dahata Iraqê li gor akinciyên wê, dê bê zêdetirin.

Serokê dezgeha navendî ya serjimêriyê ya Iraqê Mehdî El’Alan li ser deverên ku ji herêmê hatine cudakirin “deverên nakokbar” axivî û wiha pê de çû: “Biryardan li ser çarenûsa deverên nakokbar karê me nîne. Em ê serjimêriya akinciyên ku li wan deveran dijîn, bikin. Biryara çarenûsa wan deveran karê aliyên siyasî ye.”

Di heqê hinek hûrgiliyên serjimêriyê de jî El’Alan da diyarkirin ku di formên serjimêriyê de pirsa wê yekê hatiye kirin ku ‘tu mililmanî, mesîhî yî, sabîe yî yan êzdî yî?’ û got: “Pirsê etnîkî di forman de nehatine kirin ku ew kes şîa ye yan sunne? Ji ber ku di rewşeke wek ya niha de pirsên wiha hestiyar in.”

Pêk anîna referandûmê di xeterê de ye

Referandûma Kerkûkê ji ber zextên dewleta tirk û ji ber qalsiya xebat û dîplomasiya Kurdan pêk hat. Niha desthilatdariya Kurdistana azad bo pêkanîna madeye 140 û careke din paş ve nexistina wê di nava hewldanên dîplomasiyêde ne.

Dewleta Emerîka her çiqas bi rêvebiriya Kurdistana azad re wek "hevpeyman" dixuye jî wek tê zanîn di polîtîkayê de dostanîya bêdawî nîne. Kî hêza xwe baştir nîşan bide, kî dîplomasîyeke xurt û bê navber bimeşîne, kî bo pêşarojê çerçoveyeke zelal, rûniştî stratejîk derxîne holê ev qezenc dike.

Lê divê Kurd di meseleya Kerkûkê de biisrar bin. Paşvexistina referandûma Kerkûkê tê maneya paşvexistina pêşketina gelê Kurd û ev paşvexistin dibe ku Kerkûkê bi temamî ji Kurdistanî bûyinê dûr bixe.Divê ev jî bibe politikaya Kurdan.Ger Emerîka û hêzên din bi qerariya Kurdan bimînin wê neçar bin ku ji encama rewşê razî bin.

(çavkaniya giştî: HAWAR NET.com)
 

 

      Biçe Jora Rûpelê                                                                                                        Hemû naveroka beşa Nûçe »

Hemû naveroka beşa Nûçe »

Hûn jî dikarin gotar an jî lêkolînê xwe bişînin