Gotar

lêgerîn >> têkîlî >>

kunye >>

  Rûpela Serî         Gotar       Lêkolîn       Nûçe       Belge       Servîs       Arşîw       Kunye                                      

Kurd li Keneda 

K-NETEW / Aram Dihokî

Weşandin:19 Cotmeh, 2009

Rewşa Aborî ya Kurdan

Keneda welateke pêk hatiye ji miletêt mişext, ji bilî pestsora (native) her çi miletê qesta vêrê kirî, li ser binyatek aborî hatiye vêrê bigire ji Ferensiya, Ingliza û heta spaniya, Ukraniya û ... H.D.

Her çende Keneda welatek ne kevine pêş çendîn welatêt cihanê ve, lê ji ber ku xelkê hatî vêrê bi rengeke gelek cidî kar kirine, niho Keneda êk ji welatêt pêşkeftî tête hijmar. Aboriya vî welatî heta salên destpêka notan di pêşkeftin û werarê da bû, lê li salên van dimahiya aboriya wê zor hatiye xarê û betalî bi rengek diyar peyde bûye û berdewam di zêde bûne daye.

Helbet weku me behis kirî kurd li destpêka salên newêtan da qesta vêrê kirin; pê nevêt ku di nexweştirîn bar û dox (rewş- MN) da hatin. Her kesê bivêt cihê xo di nava vê komelê da biket çi biveêt biket; divet xodanê kare baş bît, yan dravek baş hebît, cimkî kar li vêrê yê nû jiyan û xodan biryar karên vêrê hemiyan jimarek baş û serburek baş pê divên ji wana ji kompiyoter û şehadet zanko û peymangeha.

Weku berî niha me destnişan kirî; xelkê ji mêj da li Kenedayê zor bi zehmet karî peyda diken; lewan ji bo kesanêt taze tên her bêjî zehmete ; lewan ji pirya kurdan di beê şolin û bi harîkariya dewletê dijîn ke ew jî tenê bijin û nemirin; hindek kar hene kurd diken lê zorbeya wan ne resmîne û çi zemanêt têda nîne bo nimune şol kirin li xaringehêt (pizza) yan li baxçe u şoferiya teksiya... H.D.

Çend keseka ji kurdan şiyane hindek ji karên serbexo vekin pişti mandîbûna çend salan bo nimune (one for one pizza) li Ottawa yan çendîn xaringehêt cida cida li bajerên Kenedayê; vekirina karên xo berdwamin; ew jî tenê rêke niho ke kurdan pê çêdibît çinkî dîtina karên dewletî seret wan zorin vî nevî (cilî) pê çênabît, dibît zarokêt taze peyda dibin bişên.

Bi boçûnêt min kar kirin bo kurdan gelek fere (girîng e- MN.) bes li ser harîkariya deweletê nemînin çimkî mirineka hêdî hêdî ye û arîşa pitir lê diket û hîvya dimirînît û mirov bê bizav dimînin helbet xandin bo zarokan piştî pola 12ê bi pareye ger xêzana dravek nebît zarokê xo firê biket (firê biket=bi rê bike=bişîne -MN) zankoyê u collecê; zaro wê bê xandina bilind bimînne û ew jî wê di nava areşt cida cida bimîne û wê tesîra xo biket ser paşeroja milletî, kar dîtin zehmete lê ger mirov bi xem ve bigirît û ji her şolekê hebît dest pê biket wê rêyên dî peyda bibin alozî kemtir lê bên; ji hemiyan girîntir mirov wê bibît xodan biryar ke ew jî ji me kurdan ra gelek fere.

Rewşa Ramyarî ya Kurda

Her çende Kurd dûrin ji welatê xo, lê hesta peywendiyek mukim di gel rûdan û werarêt doza milletê xo hene. Êkgirtin û xort bûna bizavên Kurda li axa welat gelek tesîr xo diket ser barûdoxên ramyarî li derveyî welat, helbet ji wana jî Kurdên li Kenedayê dijîn.

Çaxê peywendiyên partên Kurdan nezîkî hev dibin, Kurd bi rengekê diyar li vêrê jî nezîkî hev dibin bo çêkirna her biryareke yan rabûn bi ahengeka weku Newerozê yan bi pêk ênana her kombûneka di têkelî hev dibin bêy ku bêt gotin kanê kî xelkê kij parçê ye yan layengirê kij partê ye.

Lê belavajî dibît çaxê peywendiya di navbera bizavên kurdî da xirab dibît, dîsan tesîra xo diket ser Kurdên li derve, hemî vêk ra (bi hev re -MN.) dibine beş beş û herkesek wek reftara parta xo diket û guhdariya hev du naken bo çare kirina biçûktirîn arêşê (problem)ê; bo nimune şerê navxo yê Kurdistana başûr êkcar barûdoxên kurdan xirab kiriye; çare nebûna peywendiya partên Kurda dibîte egera jêk pert û bilav bûna Kurdan li her cihê lê, ji wana jî welatêt Ewropa û Emerika jorî; helbet jêk vebûna kurdan bo çare kirina doza xo tesîreka qelek mezin diket ser ragehendina kurdan li dervey welat, cimkî heta niho kesa kurda gelek divêt bo bêt kirin bi taybet ji layê ragehandinê ve, dibît kurdên dervey welat bişên vê boşaye (Ferax)ê pir (tijî -MN) biken eger zeminê bo xos bît.

Ji ber ku kurd demek ji mêj nîne hatin vêrê, Lewan ji heşta diyar naket kane rolê wan çi ye li sîstema ramyarî ya Kenedayê; di ser hindê ra ku gelek xindkarêt kurd hene li beşa (Ramyari) dixînin li zank û peymangeha.

Jiyan ji her layekî ve timam kêra êk du ye çi rewşa pêş kevît we tesîra xo biket ser rewşa dî; bi boçûnêt min ger em neşên bi rêka ramyarî hevdu bigirin ji ber çendîn egera li vî demî, mana wê ew nîne ke çi rê nînin û divêt em ji hevdu dûr kevin. Em dikarin bi rêka çandî (komelayetî) da hevdu bigirin weku me li babete çandî sîrove kirî, yan di barê abuorî da bixebitin ke wê rojekê xalek posetîv peyda ket li barê ramyarî jî.    (jêgiran)
(çavkanî: HAWAR NET.com)


 

      Biçe Jora Rûpelê                                                                                                        Hemû naveroka beşa Gotar »

Hemû naveroka beşa Nûçe »

Hûn jî dikarin gotar an jî lêkolînê xwe bişînin